கொம்புப்புழு

அறிகுறிகள்:

• புழு கடித்த இலைகள்.
• நெற்பயிரின் இலை விளிம்புகளை புழுக்கள் கடித்து உண்ணும்.
• இலைகளை ஒழுங்கற்ற முறையில் ஓரத்திலிருந்து நுனி வரை கடித்து உண்ணும்.
• புழுக்கள் இரவு நேரத்திற்குள் நாற்றங்காலில் உள்ள பயிர்கள் முழுவதையும் உண்டு விடும்.

பூச்சியின் விபரம்:

• முட்டை – இலைகளில் வெள்ளை நிற முட்டைகள் தனித் தனியாக இருக்கும்.
• புழு – தட்டையாக, இரண்டு சிவப்பு நிற கொம்புகள் தலைப் பகுதியில் இருக்கும். இரண்டு மஞ்சள் நிற கொடுக்கு நுனியில் இருக்கும்.
• கூட்டுப்புழு – இலையில் மறைந்திருக்கும்.
• முதிர்ப்பூச்சி – அடர் பழுப்பு நிறத்துடன் பெரிய இறக்கைகளுடன் கருப்பு நிற புள்ளிகளுடன் காணப்படும். ஒவ்வொரு முன்னிறக்கையிலும் மஞ்சள் நிற கண் போன்ற புள்ளி காணப்படும்.

கட்டுப்பாடு:

• நாற்றங்காலில் நீர் பாய்ச்சுவதால் மறைந்திருக்கும் புழு மற்றும் முட்டைகள் மண்ணின் மேற்பரப்பிற்கு வருகின்றன. அவற்றை பறவைகள் கொத்தி உண்ணும்.
• அறுவடைக்கு பின்னர் நிலத்தில் நீரை தேக்கி வைத்தல், வரப்புகளை சீர் செய்தல், வரப்புகள்/பாத்திகளை சுத்தம் செய்வதால் புழுக்களை இலைபரப்பிலிருந்து அகற்றலாம்.
• நாற்றங்காலிலிருந்து நீரை வடித்து விட்டு, குளோரபைரிபாஸ் 20 இ.சி. 80 மி.லி. (அ) மோனோகுரோட்டோபாஸ் 36 டபல்யு.எஸ்.சி 500மி.லி./எக்டர் என்ற அளவில் மாலை வேளைகளில் தெளிக்கவேண்டும்.
• பறவைகள் (நாரை), வெளவால், வயல் எலிகள், சுண்டெலி, காட்டுப் பன்றிகள், நாய்கள், மரவட்டை உயிரிகள், மீன்கள், நீர்-நில வாழ்விகள், ஊர்வன மற்றும் குரங்குகள் புழுக்களை இரையாக உட்கொள்கின்றன.